Graduation bawl na ah Naungek ki paipih theilo ahih manin, kum khat val deuh a phapan Muanpi, anu in lawmlehgual te tawh inn ah nu sia in apasal degree lakna ah lawp tak in pai san ta hi.
Pa Dong Khan Mang (Dongmang) in kum 4 vilvel a sin Master of Mechanical Engineering (MEng) degree King’s college pan 21.7.2010 ni in angtan huai tak in hong la thei hi. Tua graduation ah azi Vung Lawh Cing, Pa Dongh Za Hau, Pa Nang Mun Lian leh Dr. Gin Khan Khual te nupa va ki hel thei hi.
A sang kah na King’s College in, London khua laizang ah om hi-in, Leitung a sang min thang 25 (the World Top 25 Universities) sung ah a 23 na a hihi. Sangnaupang tul 23 kiim bang pha a Medical lam leh Engineering lam ah ahoih mahmah sang khat ahi hi.
Sanggampa Dongmang in a study sung in Parallel Mechanism thak khat hong mu khia ahih manin Zomite a ding in angtan huai mahmah ka sa hi.
Amah in, Tedim khua a teng Mualbeem khua mi Pa Thang Khen Pau leh Anlangh khua mi ( Nu Ciin Khan Dim ) te tapa upapen hi a, Nu Cing Khan Hau, Nu Vung Sian Cing, Lia Cing Zam Vung, Pa Thang Khai , Pa Nang Dal Lian, Tg Mang Suan Tuang, Tg Mang Zam Thang te sang gam pa ahihi.
Hi bang a gualzawhna limci tak angah Pa Dongmang in ama pilnate minam leh khuapih tuipih a ding azang siam ding in Topa in thupha hong piak sak ta hen.
Lungdam pih na tawh,
Dongbawi
Related Items
- Statement by Ambassador Susan Rice, U.S. Permanent Representative to the United Nations, on the International Day of the World's Indigenous People
- Giving Refugees a Fresh Start- An innovative education programme helping refugees rebuild their lives in the US
- University Wing Collapses in Shan State
- Secretary-General congratulates Somalia on five decades of independence
- Mayor Bloomberg Discusses the landmarks preseveration comission vote on 45-47 Park Place
| < Prev | Next > |
|---|
