Zomi Innkuan USA kipawlna kum (5) acin'n apawi hun hong nai mahmahta a, pawi sung a hun geelnate zong kiging khinsa in omta hi. A munmun pan pawi siim ding leh Khawmpi akah dingin a hong kuan ding Zomi khempeuh zong kigingkholta ding hi uhteh cih kong lam-en uh hi. Pawisiim dingin ciahna kuanna a kipan, pawi hun sung khempeuh ah Anungta Pasian in ahong ompihna dingin akua mahpeuh in thungetna tawh pankhop dingin hong cial ungh.
Zomi Idol USA kidemna atuh dingin US gambuppi sung panin Zomi lasiam mimal (23) hong kithawi uhhi. Hibang in a hong kithawikhiat himhim uhpen Zomi min ahong lamtokhinta uh hi a, a pahtak huai, a ithuai mahmah lasiam takpite ahi uhhi. Zomi Idol USA kidemna atuh ding Zomi lasiamte min teng Department of Music pawl in ahong puakna bangin hih Email tawh PDF Attachmet in hong pulakkhia ungh.
Zomi Concert USA ah la sa dingin lasiam Thawnkham zong June 28, 2010 ni in, Los Angeles khuapi hong tungkhinta hi. Lasiam Pauno in Visa ngah theihna dingin a hanciam laitak ahi hi. India gam pan Zomi lasian Nem Muan Kim in a sang panin Siapinu (Principal) phalna ngah theilo ahih manin ahong kuan theilo hita hi. July khabei ciangin Musician minthangte Conference khat akah dingin US Visa angahkhin Kawlgam a lasiam minthang, Sangpi pen ZIUSA President in Zomi Concert USA ahzong la hong sa in ahong muakna dingin Kipawlna min tawh kicial a, ih minam a itna tawh hong sang ahih manin, Zomi Concert USA pawi hun alap dingin amanlah mahmahna kawmkal pan hong kuankhiakhol ding hi.
Zomi Innkuan USA Cup bawlung kidemna ah kimawl dingin Team (12) pha a, a munmun panin kisinkhol in nakpi takin kihanciam mahmah hi. Tukum a bawlung kidemna pen kum dang a kibawlte sangin a thu a la a kipan, pahtawina, vaihawmnate kicing in thupi mahmah ding hi.
ZoLia & ZoTaang atuh ding a kithawite zong, Zo-ngeina puansilh kop (2) tawh kithawithawita a, kiteelna a tuhte lampai in a kilak laitak a kihong ding music zong mun khempeuh ah kihonghongta hi. Hih music a ngai nuamte in a vaihawm Lia Vung Sen Lun (918-933-6418) tung pan kingah thei ding hi.
Pawi hun sung a kipiakhia ding pahtawina (Trophies & Awards) teng zong anuai a YouTube Video mun ah ki-en theita hi.
" target="_blank">http://www.youtube.com/watch?
ZIUSA Department of Literature & Media pawl hanciamna tawh kihawmkhia ding Zomi Directory 2010 zong Khawmpi hun sung in a kihawmkhia zo dingin Press ah kipuakkhin hi.
Vai khempeuh Anungta Pasian in hong gualzawhpih tahen!
Lawp takin,
Executive Committee
Zomi Innkuan USA, Inc.
src: http://usa.zomicommunities.org
Related Items
- Indigenous Peoples' Issues More Prominent than Ever on Global Agenda, But Some Statistics Alarming, Says Secretary-General in Message for International Day
- Statement by Ambassador Susan Rice, U.S. Permanent Representative to the United Nations, on the International Day of the World's Indigenous People
- UNHCR News Story: Q&A: A Vietnamese Catholic's journey from boat person to bishop
- ZIUSA Khawmpi leh Pawi thu (Update)
- A Common Hymn book for Zomi interdenominational Christians
| < Prev | Next > |
|---|
